Yangiliklar

Riga shahrida bo‘lib o‘tayotgan YTTBning yillik forumi xalqaro moliyaviy institutlar, investorlar, banklar va biznes hamjamiyati vakillarini birlashtiruvchi nufuzli maydon hisoblanadi.

ATB «Universal bank» mazkur forumda ishtirok etib, xalqaro hamkorlar bilan uchrashuvlar o‘tkazmoqda, yangi hamkorlik imkoniyatlarini muhokama qilmoqda hamda moliyaviy sektordagi ilg‘or tajriba va yondashuvlar bilan tanishmoqda.

Bankning YTTB bilan hamkorligi 2023-yilda birinchi kelishuv imzolanishi bilan boshlangan. Shu vaqtdan buyon hamkorlik izchil rivojlanib, xalqaro moliya institutlari bilan munosabatlarni mustahkamlash, yangi investitsiya imkoniyatlarini jalb qilish va kichik hamda o‘rta biznesni qo‘llab-quvvatlashga qaratilgan loyihalarni amalga oshirishga xizmat qilib kelmoqda.

Forumda ishtirok etish bank uchun investorlar va xalqaro hamkorlar bilan aloqalarni kengaytirish, yangi ishbilarmonlik munosabatlarini o‘rnatish hamda bankning xalqaro moliya bozoridagi nufuzi va tanilishi oshishiga xizmat qiladi. Bu esa o‘z navbatida bankning kelgusidagi o‘sishi va xalqaro moliyalashtirish manbalarini jalb qilish imkoniyatlarini yanada kengaytiradi.