ATB “Universal bank” Yangi avlod banki transformatsiya va rivojlanish strategiyasini amalga oshirish maqsadida korporativ boshqaruv tizimini kuchaytirmoqda
B “Universal bank” korporativ boshqaruv tizimidagi yangi tayinlovlar haqida ma’lum qiladi:
🔹 Durdona Qodirova Luqmonovna Bank Kuzatuv Kengashining mustaqil a’zosi etib saylandi.
🔹 Ulug‘bek Tavakkalov Kuzatuv Kengashi Raisining Maslahatchisi etib tayinlandi.
Mazkur tayinlovlar ATB “Universal bank”ning transformatsiya strategiyasini amalga oshirishdagi muhim bosqich bo‘lib, ilg‘or raqamli texnologiyalar, mijozlarga yo‘naltirilgan xizmatlar, samarali biznes jarayonlari, innovatsion mahsulotlar va korporativ boshqaruvning ilg‘or amaliyotlarini o‘zida mujassam etgan yangi avlod banki — zamonaviy Yangi avlod banki modelini rivojlantirishga qaratilgan.
Korporativ boshqaruv tizimini yanada mustahkamlash va xalqaro ekspertizani jalb etish bankka strategik tashabbuslarni amalga oshirishni jadallashtirish, operatsion samaradorlikni oshirish hamda mijozlar, aksiyadorlar va hamkorlar uchun qo'shimcha qiymat yaratish imkonini beradi.
Durdona Qodirova Luqmonovna bank sektori, investitsiyalarni boshqarish, korporativ boshqaruv hamda moliya institutlarini rivojlantirish sohalarida 30 yildan ortiq xalqaro tajribaga ega. Faoliyati davomida Yevropa, Markaziy Osiyo, Kavkaz va Yaqin Sharq mintaqalaridagi xalqaro moliya institutlari, investitsiya fondlari va banklar bilan ishlagan. U moliyaviy tashkilotlar direktorlar kengashlarining mustaqil direktori va qo‘mitalari raisi sifatida faoliyat yuritib kelmoqda hamda strategik rivojlanish, biznes transformatsiyasi, investitsiyalarni jalb qilish va korporativ boshqaruv samaradorligini oshirish masalalariga ixtisoslashgan.
Ulug‘bek Tavakkalov bank sektorida hamda moliya tashkilotlarini strategik rivojlantirish yo‘nalishida katta tajribaga ega. Uning ekspertizasi bankning yanada rivojlanishi va ustuvor strategik tashabbuslarni muvaffaqiyatli amalga oshirishga ko'maklashadi.
Kuzatuv Kengashi tarkibi hamda uning maslahat va ekspertlik salohiyatining kuchaytirilishi bank transformatsiyasi strategiyasini muvaffaqiyatli amalga oshirish, raqamli ekotizimni rivojlantirish, korporativ boshqaruvni mustahkamlash, qarorlar qabul qilish samaradorligini oshirish va uzoq muddatli barqaror o‘sish uchun mustahkam poydevor yaratishga yordam beradi.
Durdona Qodirova Luqmonovna va Ulug‘bek Tavakkalovni yangi tayinlovlari bilan tabriklaymiz hamda bankning strategik maqsadlariga erishish yo‘lida ularga ulkan muvaffaqiyatlar tilaymiz.
19.06.2026 20:13
