Unlimited Remit tizimi orqali UZCARD va HUMO kartalariga pul o’tkazmalarini amalga oshirish yuzasidan qo’llanma

Unlimited Remit pul o’tkazish tizimidan foydalanish quyidagi havola orqali amalga oshiriladi: Xizmatdan foydalanish uchun havola

Tizimning foydalanuvchi interfeysi (UI) xalqaro foydalanuvchilarga mo’ljallangan bo’lib, to’liq ingliz tilida.

Havola orqali kirilganida dastlabki oyna quyidagi ko’rinishga ega (amaldagi valyuta kursi aks etadi):

Yangi foydalanuvchilar bu yerda eng quyidagi “Don’t have an account? Create one now!” yozuvi havolasiga bosib, o’zlari uchun hisob (account) yaratishlari zarur.

Yangi hisob yaratishda quyidagi ikkita oynada ma’lumotlarni kiritish zarur bo’ladi:

Hisob yaratilganidan so’ng navbatdagi oyna paydo bo’ladi va bu yerda kirish so’zini (password) kiritib tizimga kiriladi:

Tizimda ro’yxatdan o’tilganidan so’ng bajariladigan muhim amaliyot bu KYC tekshiruvidan o’tishdir. Bunda foydalanuvchining shaxsi identifikatsiya qilinadi. Buning uchun dastur menyusida “E-KYC” amaliyoti tanlanadi. Ochilgan oynada foydalanuvchining shaxsini tasdiqlovchi hujjat (passport yoki haydovchilik guvohnomasi va h.k.) rasmi yuklanadi va foydalanuvchining yuzi suratga olinadi.

Pul o’tkazmalarini amalga oshirishdan avval bajarish zaruriy bo’lgan yana bir amaliyot bu – oluvchilarning ma’lumotini tizimga kiritib olishdir. Buning uchun menyudan “My Beneficiaries” funksiyasi tanlanadi va hosil bo’lgan oynada oluvchining ma’lumotlari kiritiladi:

Keyingi oynada esa oluvchining 16 xonalik UZCARD yoki HUMO kartasi raqami kiritiladi:

Shundan so’ng menyudan “Transfer Money (Home)” funksiyasini bosib pul o’tkazishga o’tish mumkin. Kartadan pul o’tkazish uchun Payment Method sifatida Card tanlanadi (oynada aks etgan valyuta kursi bozor holatiga qarab o’zgaradi):

Keyingi Remit Details oynasida esa pul o’tkazmasining maqsadi ko’rsatiladi:

Navbatdagi oynada karta raqami, amal qilish muddati va CVV/CVC kodini kiritish so’raladi:

Ma’lumotlar kiritilgach tizim ko’rsatilgan summani foydalanuvchining kartasidan yechib olish va oluvchining kartasiga kirim qilib beradi. O’tkazmani amalga oshirish odatda bir minutdan kamroq vaqt talab etadi.

Unlimited Remit xizmatidan foydalanish bo‘yicha qo‘shimcha savollaringiz bo‘lsa, quyidagi Telegram guruhiga qo‘shilishingiz mumkin: Telegram guruhiga havola