Avtokredit - ikkilamchi bozor uchun

Kredit miqdori:

Avtotransport vositasini yetkazib berish shartnomasida belgilangan, kredit hisobiga sotib olinayotgan avtotransport vositasi narxining 64% miqdorigacha ajratilishi mumkin.

Kredit maqsadi: 

Ikkilamchi bozordan avtotransport vositasi sotib olish

Kredit muddati - 36 oy muddatga, imtiyozli davrsiz

Foiz stavkasi - Yillik 30%

Kredit foizlariga boshqaruv qarori bilan o‘zgartirish kiritilishi mumkin.

Kredit valyutasi - so‘m

Qarz oluvchiga qo‘yiladigan talablar:

O‘zbekiston Respublikasi rezidenti bo‘lgan, 18 yoshga to‘lgan, shuningdek ish haqi ko‘rinishidagi oylik rasmiy daromadga ega bo‘lgan jismoniy shaxs.

Taqdim etish shakli:

Oldi-sotdi shartnomasiga asosan avtotransport dastlabki egasining "Universal bank" da ochilgan omonat hisob raqamiga pul o‘tkazish yo‘li orqali

Boshlang‘ich to‘lov:

Avtotransport vositasi qiymatining 36% dan kam bo‘lmagan miqdorda;

Talab etiladigan hujjatlar:

-  shaxsni tasdiqlovchi hujjat (pasport, ID-karta, yashash     uchun guvohnoma va x.k);

- avtotransportning oldi-sotdi shartnomasi;

- avtotransportning qiymati haqidagi mustaqil baholash hisoboti;

Kredit ta’minoti

* Kredit hisobiga sotib olinayotgan avtotransport  ta’minot sifatida kredit miqdorining 125% dan kam bo‘lmagan qiymatda qabul qilinadi;

* Bankka aloqador bo‘lgan shaxslarga ajratiladigan kreditlar bo‘yicha 130% qiymatida garov qabul qilinadi.

Kredit qaytarish tartibi:

Kredit va hisoblangan foizlarni to‘lash kredit shartnomasida belgilangan tartibda va shartlarda annuitet yoki differentsial to‘lov usulida amalga oshiriladi.

Qo‘shimcha shartlar:

* Kredit olishni istagan qarz oluvchi, kreditni olish uchun ariza berganida, oxirgi ish joyida kamida 6 (olti) oy davomida uzluksiz ishlagan bo‘lishi;

* Qarz oluvchining o‘rtacha oylik sof daromadining 50%i kredit bo‘yicha eng yuqori oylik to‘lov hamda mavjud kreditlar/qarzlar bo‘yicha o‘rtacha oylik to‘lov miqdorini qoplash uchun etarli bo‘lishi;.

* Sotib olinayotgan avtotransport vositasining ishlab chiqarilgan yili oxirgi 5 yildan oshmagan bo‘lishi;

* Sotib olinayotgan avtotransport vositasi texnik nosoz holatda bo‘lmasligi; 

* Ijobiy kredit tarixiga ega bo‘lishi